قصة حقيقية حدثت لإحدى الاخوات المغتربات

عجبتني وحبيت نشارك بيها قصة واقعيه ):


السلام عليكم ورحمة الله
انا متعرفه على بنت سعودية تدرس بولاية اوريغون... بمدينة بورتلاند تحديدا بحكم اني راح ادرس في كورفاليس... قبل يومين اتصلت عليها تلفون احكي معاها عن تجربتها واتعرف عليها عن قرب... رد عليا رجل.... انا استغربت طبعا.. سألت فلانة موجوده قال هي الآن بالمستشفى وأنا الممرض وأبغى اتصل على احد من اقاربها بس ما اعرف شفت الرقم unknown ورديت هي لها بس ربع ساعة من يوم دخلت الطواريء... انا لغتي جيدة الحمدلله.. سألته عن سبب وجودها بالمستشفى.. قال انها تعرضت لحالة اغتصاب وحشية... انا صعقت.. استفسرت منه اكتر من مرة يكرر الكلمة عشان يمكن يكون ما فهمت قالي she has been raped ! انا خلاص قلت انا صديقتها وابغى اعرف بالضبط ايش الوضع اللي هي فيه... قال تعرضت للخنق ووجدناها في بيت قريبة من سكن الطالبات.. جانا بلاغ من نفس البيت عنها.. لأنها تسكن في سكن طايق بنات وطابق شباب.. طريقة الاغتصاب قال انها قالت انه رجل عادي شاب سحبها بالرغم من وجود مارة وناس بيمشوا في الكامبوس ودخلها السيارة واخدها ما ادري فين هدا البيت جنب الكامبوس والسكن قالي كلمة مافهمتها واغتصبها بطريقة وحشية... وهي لا تحمل اي وثيقة تدل عليها غير شيكات فقط ومحفظة نقود مافيها بطائق شخصية.... انقطع الخط هنا...!!!

اتصلت اليوم التاني... لأني حاولت الإتصال ماقدرت.. قمت اتصلت على بنت اعرفها معاها... قالت انه القصة انها تمشي عادي في وضح النهار وهدا الرجال سحبها بطريقة ما حد حس بيها... ماتمكنت تصرخ ما ادري ايش عملها؟؟ وراح بيت قريب منهم واغتصبها....!!

سألت هل هي متحجبة فكرت انو عشانها محجبة.. قالت لاء ماهي محجبة... والآن هي بالمستشفى لأنها انخنقت واللي انقذها صديقة قديمة لهدا الرجل دخلت البيت وبلغت البوليس فورا.. وجو ونقلوها بالاسعاف على المستشفى... قلت لها واهلها بيدروا قالت لاء يدقوا من الصبح على جوالها ما نقدر نرد... ولا اقدر اكلم احد من السعوديين فضيحة!! قلت على الأقل اتصلوا على السفارة.. قالت اتصلنا عليهم.. بس عشان التأمين الصحي.. ومحتارين ايش يعملوا.. هي عندها نزيف حاد وتحتاج دم.. ولا احد بيتبرع لها غير وحده من البنات وماتقدر تتبرع عشان وزنها اقل من 43 كيلو... اه بس والله يابنات انا مرعوبة... وحكيت ماما وحلفت ما اجي.. اتصلت على شيخ واستشرته قال لي.... بالحرف الواحد... حرام حرام حرام الإقامة في بلاد الكفار بلا ولي.. والمحرم شيء مسلم به...!!! والله انقل القصة لكم لأني ما انام الليل
يا بنات انا راح الغي بعثتي وان شا ءالله ربي يعوضني مع اني مقهورة على البعثة بس الشرف اهم....!! ورضا الله اهم واهم...

امانة تنشروا القصة قد ماتقدروا وهي حقيقة والله العظيم.. وانا بنت بسيطة كنت اتمنى اجي وانجح واخدم بلدي وديني.. وبس لكن الحمدلله وانا واثقة انه ربي حيعوضني...

انا للامانة نشرتها علي الاقل المعتربين والمغتربات وانتم تقوليلي رايكم